«Республикалық балалар оқулары» байқауы 

Астана қаласында Қазақстандық қоғамдық даму институтының ұйымдастыруымен 2-3 қараша күндері «Республикалық балалар оқулары» байқауы  өтті. Байқауға республикалық маңызы бар қалалар мен облыстардың 3-10 сынып оқушылары  қатысты.  Жалпы саны 80 оқушы бақ сынады.

Қарағанды өңірінен байқауға облыстық кезең жеңімпаздары – Берікбай Кәусар, Байболатқызы Мейрамгүл, Маратова Айзере, Бегілікова Ақгүлім қатысты.  Оқушылар сыныбына қарай 4 топқа топтастырылып, әр топ берілген 2 кітап бойынша тапсырмалар орындады.

Республикалық байқаудың қорытындысы бойынша 5-6 сыныптар арасында  ІІІ орынға Шет ауданы, Ә.Ермеков атындағы тірек мектеп (РО) жанындағы интернатының оқушысы Байболатқызы Мейрамгүл  ие болса, ал үш оқушымыз алғыс хаттармен  марапатталды.