Жалпы білім беру ұйымдарының оқушылары арасында ХІХ республикалық Абай оқуларының қорытындысы

2018 жылғы 22-25 тамыз аралығында Семей қаласы, Абай ауданында «Дарын» республикалық ғылыми-практикалық орталығымен және Шығыс Қазақстан облысының білім басқармасы 5-11 сынып оқушылары арасында ХІХ республикалық Абай оқуларын өткізді.

ХІХ республикалық Абай оқуларының негізгі мақсаттары мен міндеттері: мектеп оқушылары арасында Абай, Шәкәрім шығармаларын насихаттау; олардың шығармашылық қабілеттерін, эстетикалық талғамдарын, тұлғалық сезім мәдениетін дамыту; ұлылар поэзиясына, рухани мұрасына деген сүйіспеншілікке тәрбиелеу, тарихи танымдарын, ізгілікке, демократияға және азаматтыққа бағдарланған дүниетанымдары мен сана-сезімдерін, өмірлік айқындамаларын қалыптастыру.

Республикалық байқау 4 номинация бойынша өтті:

-         «Өлең - сөздің патшасы, сөз сарасы» - Абай және Шәкәрім шығармаларын жатқа оқу конкурсы;

-         «Көңілім әнді ұғады»  - Абай мен Шәкәрімнің әндері мен күйлерін орындаушылардың конкурсы;

-         «Жүйріктен жүйрік озар жарысқанда» - жас дарындар конкурсы                         (өз шығармаларын орындау: өлеңдер, әндер, музыкалық шығармалар);

-         «Ұлылар әлемі» - Абай және Шәкәрім еңбектеріне эссе жазу.

Қарағанды облысының намысын облыстық байқаудың жеңімпаздары атанған 4 оқушы  қорғады.

Республикалық байқаудың қорытындысы бойынша келесі оқушылар жеңімпаз атанды:

1-орын – «Өлең - сөздің патшасы, сөз сарасы» номинациясы – Скакова Нургуль Қарағанды қаласы, № 61 Жалпы білім беретін орта мектебінің  9 – сынып оқушысы;

Грамота – «Көңілім әнді ұғады» номинациясы – Сартай Аяла  Ұлытау ауданы, №2 Қорғасын Жалпы білім беретін орта мектебінің 7 – сынып оқушысы;

Грамота - «Жүйріктен жүйрік озар жарысқанда» номинациясы – Хашхынбай Жанбота Бұқар жырау ауданы, Ростовка тірек мектебінің (РО) – 11 – сынып оқушысы;

Диплом «Жас зерттеуші» – «Ұлылар әлемі» номинациясы – Наурызбай Ұлжан Қарағанды қаласы, Жамбыл атындағы мамандандырылған мектеп-интернатының 9 – сынып оқушысы.