Бүгін 02 сәуір “Сарыарқа саңлағы” облыстық пікір-сайыс қозғалысы аясында аға пікір-сайысшы, республикалық турнирлардың жеңімпазы, "Қарағанды облысының жастар саясаты мәселелері жөніндегі басқармасының" басшысы, Алимжанов Біржан Нұржанұлымен қашықтан zoom платформасында кездесу өтті.

Кездесуге 300 ден астам облысымыздың пікір-сайысшы оқушылары мен колледж студенттері және жетекшілері қатысты.

Сұхбат барысында Біржан Нұржанұлына көптеген сұрақтар қойылды. Атап айтсақ: "Алдыңызда көп таңдаулар болған шығар, неге солардың ішінен дебатты таңдадыңыз". "Өмірде пікір-сайыстың қандай пайдасы болды", деген сияқты және тағы басқа сұрақтар қойылды.

Біржан Нұржанұлы дебатқа қалай келгенін айтып, өзі қатысқан турнирлардағы қызықты сәттерімен бөлісіп, жас пікір-сайысшыларға ақыл кеңесін айтып, сәттілік тіледі.